Lëpushë – Maja e Berizhdolit – Lëpushë

• Gjatësia: 11.3 km (shteg qarkor)
• Kohëzgjatja: 4.5 orë
• Vështirësia: mesatare
• Lartësia min: 1264 m
• Lartësia max: 1949 m

Aksesueshmëria: Deri në fshatin e Lëpushës arrihet nëpërmjet rrugës auto Shkodër – Vermosh, e cila është e kalueshme nga të gjitha llojet e makinave.

Ky shteg sugjerohet të përshkohet gjatë sezonit të ngrohtë, sepse gjatë dimrit mban ngricë dhe rrit ndjeshëm rrezikshmërinë e tij. Përgjatë tij ka burime uji. Gjatë rrugëtimit tuaj do të haseni me Monumentin e Natyrës “Burimet e Koprishtit”.

Shtegu “Lëpushë – Maja e Berizhdolit – Lëpushë” gjendet në Parkun Kombëtar “Alpet e Shqipërisë”.