Llogara – Gropat e Pirit

Gjatësia: 7.5 km

Lartësia max: 996 m

Lartësia min: 352 m

Vështirësia: mesatare

Kohëzgjatja: 5.5 orë

Koha e rekomanduar për frekuentim: gjithë vitin

Ky shteg nis nga Qendra e Vizitorëve në Parkun Kombëtar “Llogara” dhe vijon duke përshkuar pjesën e pyllit të Llogarasë. Përgjatë shtegut shquhen shumë lloje bimësh, drurësh pyjorë, por edhe kafshë të pyllit, të cilat mund të evidentohen edhe nëpërmjet gjurmëve të tyre.

Vini re: Gjatë shtegut mungojnë burimet me ujë të pijshëm si dhe nuk ofrohet asnjë strukturë turistike/ shërbim. Këpucët dhe veshjet duhet të jenë të përshtatshme si për ecje të lehtë por edhe të sigurt për arsye të prezencës së nepërkave dhe gjarpërinjve në periudhën Maj – Tetor. Jo e gjithë gjatësia e shtegut mbulohet nga operatorët telefonik.

Flora përfaqësohet me llojet si: Pisha e egër (Pinus halepensis), Rrobulli  (Pinus heildreichi), Lisi (Quercus petraea),  Qarr (Quercus cerris), Bredhi i maqedonisë (Abies borisi-regis Mattf.), Pisha e zezë (Pinus nigra) dhe Bushi (Buxus sempervirens L.).

Fauna përfaqësohet me llojet si: kunadhja (martes martes), dhelpra e kuqe (Vulpes vulpes) , derri i eger (Sus scrofa) etj